ნახვამდის

გავთითოკაცდით, გავშტერდით,
მეტი ამაზე რა მეთქმის,
კაცი რომ ლიფტში შემოვა
და გამარჯობას არ გეტყვის.

ნეტავ რითა ხარ გართული,
ასე რითა ხარ ამაყი,
რომ, ცხვირწინ, ადამიანის
ძაღლადაც არ ხარ დამნახი?

ბინებს მოვიწყობთ მდიდრულად,
კორპუსს დავტოვებთ მიჯმულად,
მხოლოდ საჩვენოდ მოვნიშნავთ
მანქანის სადგომს, დიდგულად.

და მერე ვიუკადრისებთ,
რამ მიგვიყვანა აქამდის?
კაცი რომ ლიფტიდან გავა
და არ გისურვებს ნახვამდის.

0 Shares

Leave a Reply

Your email address will not be published. Required fields are marked *